त्वम᳚ग्ने सु॒हवो᳚ र॒ण्वसं᳚दृक्सुदी॒ती सू᳚नो सहसो दिदीहि ।
मा त्वे सचा॒ तन᳚ये॒ नित्य॒ आ ध॒ङ्मा वी॒रो अ॒स्मन्नर्यो॒ वि दा᳚सीत् ॥
मा त्वे सचा॒ तन᳚ये॒ नित्य॒ आ ध॒ङ्मा वी॒रो अ॒स्मन्नर्यो॒ वि दा᳚सीत् ॥
पदपाठः (Word-by-word)
त्वम् । अ॒ग्ने॒ । सु॒॑हवः᳚ । र॒ण्व॑स᳚न्दृक् । सु॒॑दी॒ती । सू॒नो॒ इति᳚ । स॒ह॒सः॒ । दि॒दी॒हि॒ ।
मा । त्वे इति᳚ । सचा᳚ । तन᳚ये । नित्ये᳚ । आ । ध॒क् । मा । वी॒रः । अ॒स्मत् । नर्यः᳚ । वि । दा॒सी॒त् ॥
मा । त्वे इति᳚ । सचा᳚ । तन᳚ये । नित्ये᳚ । आ । ध॒क् । मा । वी॒रः । अ॒स्मत् । नर्यः᳚ । वि । दा॒सी॒त् ॥
सायणभाष्यम् (Sayana Commentary)
सहसःसूनो सहसःसुत हे अग्ने सुहवः स्वाह्वानः रण्वसंदृक् रमणीयसंदर्शनस्त्वं सुदीती शोभनया दीप्त्या दिदीहि दीप्यस्व । किं च तनये नित्ये औरसे पुत्रे त्वे त्वं सचा सहायभूतः मा आधक् मा अभिधाक्षीः । अपि च अस्मत् पृथग्भूतः अस्माकं वा षष्ठ्यर्थे पंचमी वीरः पुत्रः नर्यो नरहितः माविदासीत् मोपक्षीयत ॥ २१ ॥