स मर्तो᳚ अग्ने स्वनीक रे॒वानम᳚र्त्ये॒ य आ᳚जु॒होति᳚ ह॒व्यम् ।
स दे॒वता᳚ वसु॒वनिं᳚ दधाति॒ यं सू॒रिर॒र्थी पृ॒च्छमा᳚न॒ एति᳚ ॥
स दे॒वता᳚ वसु॒वनिं᳚ दधाति॒ यं सू॒रिर॒र्थी पृ॒च्छमा᳚न॒ एति᳚ ॥
पदपाठः (Word-by-word)
सः । मर्तः᳚ । अ॒ग्ने॒ । सु॒॑अ॒नी॒क॒ । रे॒वान् । अम᳚र्त्ये । यः । आ॒॑जु॒होति᳚ । ह॒व्यम् ।
सः । दे॒वता᳚ । व॒सु॒॑वनि᳚म् । द॒धा॒ति॒ । यम् । सू॒रिः । अ॒र्थी । पृ॒च्छमा᳚नः । एति᳚ ॥
सः । दे॒वता᳚ । व॒सु॒॑वनि᳚म् । द॒धा॒ति॒ । यम् । सू॒रिः । अ॒र्थी । पृ॒च्छमा᳚नः । एति᳚ ॥
सायणभाष्यम् (Sayana Commentary)
स्वनीक सुतेजस्क हे अग्ने अमर्त्ये अमनुष्ये देवतात्मनि त्वयि हव्यं हविः यआजुहोति समर्तो मनुष्यो रेवान् धनवान् भवति यं मर्त्यं सूरिः प्राज्ञः अर्थी धनादिकामः पृच्छमानः असावुदारः क्वास्तइतिपृच्छन् एति अभिगच्छति स एव मनुष्यः देवता देवताभ्यो वसुवनिं धन- पोषं दधाति धारयति यद्वा सदेवताग्निः वसुवनिं यजमानं दधाति धारयति यमग्निं सूरिः स्तोता अर्थी प्रयोजनवान् पृच्छमानः कोसाव- ग्निरिति पृच्छमानएति ॥ २३ ॥