म॒हो नो᳚ अग्ने सुवि॒तस्य᳚ वि॒द्वान्र॒यिं सू॒रिभ्य॒ आ व᳚हा बृ॒हन्त᳚म् ।
येन᳚ व॒यं स᳚हसाव॒न्मदे॒मावि᳚क्षितास॒ आयु᳚षा सु॒वीरा᳚ः ॥
येन᳚ व॒यं स᳚हसाव॒न्मदे॒मावि᳚क्षितास॒ आयु᳚षा सु॒वीरा᳚ः ॥
पदपाठः (Word-by-word)
म॒हः । नः॒ । अ॒ग्ने॒ । सु॒वि॒तस्य᳚ । वि॒द्वान् । र॒यिम् । सू॒रि॑भ्यः᳚ । आ । व॒ह॒ । बृ॒हन्त᳚म् ।
येन᳚ । व॒यम् । स॒ह॒सा॒॑व॒न् । मदे᳚म । अवि᳚॑क्षितासः । आयु᳚षा । सु॒॑वीराः᳚ ॥
येन᳚ । व॒यम् । स॒ह॒सा॒॑व॒न् । मदे᳚म । अवि᳚॑क्षितासः । आयु᳚षा । सु॒॑वीराः᳚ ॥
सायणभाष्यम् (Sayana Commentary)
हे अग्ने नोस्मदीयस्य महो महतः सुवितस्य कल्याणस्य कर्मणो विद्वान् अस्मदीयं कल्याणं कर्म जानन्नित्यर्थः । त्वं सूरिभ्यः स्तोतृ- भ्योस्मभ्यं बृहन्तं महान्तं रयिं धनं आवह रयिमेव विशिनष्टि हे सहसावन् बलवन्नग्ने येन धनेन वयं स्तोतारः अविक्षितासः अवि- क्षीणाः आयुषा पूर्णायुषः सुवीराः कल्याणपुत्रपौत्राश्च सन्तो मदेम हृष्येम ॥ २४ ॥
वेदार्थस्य प्रकाशेन तमोहार्दं निवारयन् । प्कुमर्थांश्चतुरोदेयाद्विद्यातीर्थमहेश्वरः ॥ १ ॥
इति श्रीमद्राजाधिराजपरमेश्वरवैदिकमार्गप्रवर्तक श्रीवीरबुक्कभूपालसाम्राज्यधुरंधरेणसायणाचार्येण विरचितेमाधवीये वेदार्थप्रकाशे ऋक्संहिताभाष्ये पंचमाष्टके प्रथमोध्यायः समाप्तः ॥ १ ॥