वा॒वृ॒धा॒ना शु᳚भस्पती दस्रा॒ हिर᳚ण्यवर्तनी ।
पिब᳚तं सो॒म्यं मधु᳚ ॥
पिब᳚तं सो॒म्यं मधु᳚ ॥
पदपाठः (Word-by-word)
व॒वृ॒धा॒ना । शु॒भः॒ । प॒ती॒ इति᳚ । दस्रा᳚ । हिर᳚ण्यवर्तनी॒ इति॒ हिर᳚ण्य॑वर्तनी ।
पिब᳚तम् । सो॒म्यम् । मधु᳚ ॥
पिब᳚तम् । सो॒म्यम् । मधु᳚ ॥
सायणभाष्यम् (Sayana Commentary)
हे शुभस्पती शुभः शोभनस्यालङ्कारस्योदकस्य वा पती स्वामिनौ हेअश्विनौ सुबामन्त्रितइतिषष्ठ्यन्तस्य पराङ्गवद्भावात् षष्ठ्याम- न्त्रितसमुदायस्तोष्टमिकंसर्वानुदात्तत्वम् । दस्रा दर्शनीयौ शत्रूणामुपक्षपयितारौ वा हिरण्यवर्तनी हिरण्मयमार्गौ यद्वा वर्ततेस्मिन्निति वर्तनीरथः हिरण्मयोरथोययोस्तौ यद्वा वर्तनिर्वर्तनमाचरणं हितरमणीयाचरणौ ववृधाना प्रवृद्धौ वृधेः लिटः कानच् ईदृशौ युवां सोम्यं सोममयं मधु माधुर्योपेतं मदकरं वा रसं पिबतम् ॥ ११ ॥