पु॒रु॒प्रि॒या ण᳚ ऊ॒तये᳚ पुरुम॒न्द्रा पु᳚रू॒वसू᳚ ।
स्तु॒षे कण्वा᳚सो अ॒श्विना᳚ ॥
स्तु॒षे कण्वा᳚सो अ॒श्विना᳚ ॥
पदपाठः (Word-by-word)
पु॒रु॒॑प्रि॒या । नः॒ । ऊ॒तये᳚ । पु॒रु॒॑म॒न्द्रा । पु॒रु॒वसू॒ इति᳚ पु॒रु॒॑वसू᳚ ।
स्तु॒षे । कण्वा᳚सः । अ॒श्विना᳚ ॥
स्तु॒षे । कण्वा᳚सः । अ॒श्विना᳚ ॥
सायणभाष्यम् (Sayana Commentary)
पुरुप्रिया बहूनां प्रियौ पुरुमन्द्रा बहुमदौ बहूनां मादयितारौ वा यद्वा पुरु बहुलं माद्यन्तौ पुरुवसू बहुधनौ ईदृशौ अश्विना अश्विनौ नोस्माकमूतये रक्षणाय कण्वासः कण्वगोत्रावयं स्तुषे स्तुमहे पुरुषवचयनोर्व्यत्ययः । यद्वा कण्वासइति पूजार्थं बहुवचनम् ऋषिरात्मा- नं संबोध्य ब्रूते हे अन्तरात्मन् कण्वासः कण्वगोत्रस्त्वं स्तुषे अश्विनौ स्तुहि ॥ ४ ॥