रथं॒ हिर᳚ण्यवन्धुरं॒ हिर᳚ण्याभीशुमश्विना ।
आ हि स्थाथो᳚ दिवि॒स्पृश᳚म् ॥
आ हि स्थाथो᳚ दिवि॒स्पृश᳚म् ॥
पदपाठः (Word-by-word)
रथ᳚म् । हिर᳚ण्य॑वन्धुरम् । हिर᳚ण्य॑अभीशुम् । अ॒श्वि॒ना॒ ।
आ । हि । स्थाथः᳚ । दि॒वि॒॑स्पृश᳚म् ॥
आ । हि । स्थाथः᳚ । दि॒वि॒॑स्पृश᳚म् ॥
सायणभाष्यम् (Sayana Commentary)
हे अश्विना अश्विनौ हिरण्यवन्धुरं सारथिस्थानं वन्धुरं हिरण्यसारथिस्थानं हिरण्याभीशुं हिरण्मयप्रग्रहं दिविस्पृशं अत्युन्नतत्वाद्दिवं स्पृशन्तम् स्पृशेः क्विन् दिव् शब्दात् द्वितीयार्थेसप्तमी हृद्युभ्यांङेरुपसंख्यानमितिलुक् ईदृशं रथं आहिस्थाथः युवामातिष्ठथ एव हिरवधारणे अस्मदीयां स्तुतिं श्रेतुं शीघ्रं रथमास्थायागतमितिभावः । ष्ठागतिनिवृत्तौ लटि छान्दसः शपोलुक् ॥ २८ ॥