ता मे᳚ अश्विना सनी॒नां वि॒द्यातं॒ नवा᳚नाम् ।
यथा᳚ चिच्चै॒द्यः क॒शुः श॒तमुष्ट्रा᳚नां॒ दद᳚त्स॒हस्रा॒ दश॒ गोना᳚म् ॥
यथा᳚ चिच्चै॒द्यः क॒शुः श॒तमुष्ट्रा᳚नां॒ दद᳚त्स॒हस्रा॒ दश॒ गोना᳚म् ॥
पदपाठः (Word-by-word)
ता । मे॒ । अ॒श्वि॒ना॒ । स॒नी॒नाम् । वि॒द्यात᳚म् । नवा᳚नाम् ।
यथा᳚ । चि॒त् । चै॒द्यः । क॒शुः । श॒तम् । उष्ट्रा᳚नाम् । दद᳚त् । स॒हस्रा᳚ । दश᳚ । गोना᳚म् ॥
यथा᳚ । चि॒त् । चै॒द्यः । क॒शुः । श॒तम् । उष्ट्रा᳚नाम् । दद᳚त् । स॒हस्रा᳚ । दश᳚ । गोना᳚म् ॥
सायणभाष्यम् (Sayana Commentary)
हे अश्विना अशिनौ ता तादृशौ युवां नवानां अभिनवानां श्रेष्ठानां सनीनां संभजनीयानां धनानां कर्मणि षष्ठी ईदृशानि धनानि मे मत्द्यं दापयितुं विद्यातं जानीतं यथाचित् येन खलु प्रकारेण चैद्यः चेदिपुत्रः कशुः एतत्संज्ञोराजा उष्ट्रानां शतं तथा गोनां गवां दशसहस्रा दशसंख्यानि सहस्राणि ददत् दद्यात् तथा विद्यातमिति पूर्वत्रान्वयः ॥ ३७ ॥