यो ह᳚ वां॒ मधु᳚नो॒ दृति॒राहि᳚तो रथ॒चर्ष᳚णे ।
ततः᳚ पिबतमश्विना ॥
ततः᳚ पिबतमश्विना ॥
पदपाठः (Word-by-word)
यः । ह॒ । वा॒म् । मधु᳚नः । दृतिः᳚ । आ॑हि᳚तः । र॒थ॒॑चर्ष᳚णे ।
ततः᳚ । पि॒ब॒त॒म् । अ॒श्वि॒ना॒ ॥
ततः᳚ । पि॒ब॒त॒म् । अ॒श्वि॒ना॒ ॥
सायणभाष्यम् (Sayana Commentary)
हे अश्विना अश्विनौ रथचर्षणे स्थस्य चर्षणे द्रष्टव्ये मध्यदेशे योदृतिः मधुनः मधुरस्यास्माभिर्दत्तस्य सोमस्य संबन्धी तेन मधुना पूर्णः आहितः स्थापितोवर्तते ततोदृतेः सकाशात् सोमं पिबतं ॥ १९ ॥