अ॒स्माक᳚म॒द्य वा᳚म॒यं स्तोमो॒ वाहि᳚ष्ठो॒ अन्त᳚मः ।
यु॒वाभ्यां᳚ भूत्वश्विना ॥
यु॒वाभ्यां᳚ भूत्वश्विना ॥
पदपाठः (Word-by-word)
अ॒स्माक᳚म् । अ॒द्य । वा॒म् । अ॒यम् । स्तोमः᳚ । वाहि᳚ष्ठः । अन्त᳚मः ।
यु॒वाभ्या᳚म् । भू॒तु॒ । अ॒श्वि॒ना॒ ॥
यु॒वाभ्या᳚म् । भू॒तु॒ । अ॒श्वि॒ना॒ ॥
सायणभाष्यम् (Sayana Commentary)
अद्येदानीं अस्माकं अयं स्तोमः अस्मदीयं स्तोत्रं हे अश्विनौ वां युवयोः वाहिष्ठः वाहयितृतमः प्रापयितृतमः सन् युवाभ्यां अन्तमः अन्ति- कतमः अतिशयेन समीपवर्ती भूतु भवतु तमेतादेश्चेति अन्तिकशब्दस्य तादिर्लुप्यते भवतेश्छान्दसः शपोलुक् ॥ १८ ॥