यथो॒त कृत्व्ये॒ धनें॒॑शुं गोष्व॒गस्त्य᳚म् ।
यथा॒ वाजे᳚षु॒ सोभ᳚रिम् ॥
यथा॒ वाजे᳚षु॒ सोभ᳚रिम् ॥
पदपाठः (Word-by-word)
यथा᳚ । उ॒त । कृत्व्ये᳚ । धने᳚ । अं॒शुम् । गोषु᳚ । अ॒गस्त्य᳚म् ।
यथा᳚ । वाजे᳚षु । सोभ᳚रिम् ॥
यथा᳚ । वाजे᳚षु । सोभ᳚रिम् ॥
सायणभाष्यम् (Sayana Commentary)
उतापिच यथा येनप्रकारेण धने कृत्व्ये कर्तव्ये प्राप्तव्ये सति अंशुं एतत्संज्ञं स्तोतारं आवतं अरक्षतम् । गोषु च लब्धव्यासु यथा अगस्त्यमृषिं अरक्षतम् वाजेष्वन्नेषु लब्धव्येषु यथा येन प्रकारेण सोभरिं एतत्संज्ञमृषिंचारक्षतम् अत्रापि पूर्ववद्वाक्यशेषः उत्तरयैकवाक्यता वा ॥ २६ ॥