अ॒स्य पि᳚बतमश्विना यु॒वं मद᳚स्य॒ चारु᳚णः ।
मध्वो᳚ रा॒तस्य᳚ धिष्ण्या ॥
मध्वो᳚ रा॒तस्य᳚ धिष्ण्या ॥
पदपाठः (Word-by-word)
अ॒स्य । पि॒ब॒त॒म् । अ॒श्वि॒ना॒ । यु॒वम् । मद᳚स्य । चारु᳚णः ।
मध्वः᳚ । रा॒तस्य᳚ । धि॒ष्ण्या॒ ॥
मध्वः᳚ । रा॒तस्य᳚ । धि॒ष्ण्या॒ ॥
सायणभाष्यम् (Sayana Commentary)
हे अश्विना अश्विनौ हे धिष्ण्या धिषणा स्तुतिः तदर्हौ युवं युवां मदस्य मदकरस्य चारुणः शोभनस्य रातस्यास्माभिर्दत्तस्य अस्य मध्वो- मधुरस्य सोमस्य स्वांशलक्षणं भागं पिबतम् । यद्वा द्वितीयार्थेषष्ठी इमं सोमं पिबतम् ॥ १४ ॥