अ॒स्मे आ व᳚हतं र॒यिं श॒तव᳚न्तं सह॒स्रिण᳚म् ।
पु॒रु॒क्षुं वि॒श्वधा᳚यसम् ॥
पु॒रु॒क्षुं वि॒श्वधा᳚यसम् ॥
पदपाठः (Word-by-word)
अ॒स्मे इति᳚ । आ । व॒ह॒त॒म् । र॒यिम् । श॒त॑व᳚न्तम् । स॒ह॒स्रिण᳚म् ।
पु॒रु॒॑क्षुम् । वि॒श्व॑धा᳚यसम् ॥
पु॒रु॒॑क्षुम् । वि॒श्व॑धा᳚यसम् ॥
सायणभाष्यम् (Sayana Commentary)
हे अश्विनौ अस्मे अस्मभ्यं रयिं धनं आवहतम् आनयतम् कथंभूतं शतवन्तं शतसंख्योपेतं सहस्रिणं सहस्रसंख्योपेतंच पुरुक्षुम् बहुनिवासं यद्वा पुरुभिर्बहुभिः स्तुत्यं विश्वधायसं विश्वेषां सर्वेषामस्मदीयानां धारकं वहिहाधाञ्भ्यश्छन्दसीति दधातेरसुन् णिदित्यनुवृत्तेर्णि- द्वद्भावेनयुगागमः ॥ १५ ॥