पु॒नाता᳚ दक्ष॒साध᳚नं॒ यथा॒ शर्धा᳚य वी॒तये᳚ ।
यथा᳚ मि॒त्राय॒ वरु᳚णाय॒ शंत᳚मः ॥
यथा᳚ मि॒त्राय॒ वरु᳚णाय॒ शंत᳚मः ॥
पदपाठः (Word-by-word)
पु॒नात᳚ । द॒क्ष॒॑साध᳚नम् । यथा᳚ । शर्धा᳚य । वी॒तये᳚ ।
यथा᳚ । मि॒त्राय᳚ । वरु᳚णाय । शम्॑त᳚मः ॥
यथा᳚ । मि॒त्राय᳚ । वरु᳚णाय । शम्॑त᳚मः ॥
सायणभाष्यम् (Sayana Commentary)
दक्षसाधनं बलस्य साधनं धनादिवृद्धेर्वा साधकं सोमं पुनात पवित्रेण पुनीत । पुञ् पवने क्र्यादिः तस्माल्लोटि तप्तनप्तनथनाश्चेति तस्य तबादेशः पित्वादीत्वाभावः । असौ सोमः शर्धाय वेगार्थं वीतये देवानां पानार्थं यथा भवति यथावा मित्राय वरुणायच शंतमः अतिशयेन सुखं करोति तथा पुनीतेत्यर्थः ॥ ३ ॥