अ॒स्मभ्यं᳚ त्वा वसु॒विद᳚म॒भि वाणी᳚रनूषत ।
गोभि᳚ष्टे॒ वर्ण᳚म॒भि वा᳚सयामसि ॥
गोभि᳚ष्टे॒ वर्ण᳚म॒भि वा᳚सयामसि ॥
पदपाठः (Word-by-word)
अ॒स्मभ्य᳚म् । त्वा॒ । व॒सु॒॑विद᳚म् । अ॒भि । वाणीः᳚ । अ॒नू॒ष॒त॒ ।
गोभिः᳚ । ते॒ । वर्ण᳚म् । अ॒भि । वा॒स॒या॒म॒सि॒ ॥
गोभिः᳚ । ते॒ । वर्ण᳚म् । अ॒भि । वा॒स॒या॒म॒सि॒ ॥
सायणभाष्यम् (Sayana Commentary)
हे सोम वसुविदं धनस्य दातारं त्वा त्वामस्मभ्यं धनादिप्रदानार्थं वाणीः अस्मदीया- वाचो अभ्यनूषत अभिष्टुवन्ति नूस्तवने । वयं ते तव वर्णं आवरकं रसं गोभिर्गोविकारैः क्षीरादिभिः अभिवासयामसि अभिवासयामः अभितआच्छादयामः ॥ ४ ॥