तं वः᳚ सखायो॒ मदा᳚य पुना॒नम॒भि गा᳚यत ।
शिशुं॒ न य॒ज्ञैः स्व᳚दयन्त गू॒र्तिभि᳚ः ॥
शिशुं॒ न य॒ज्ञैः स्व᳚दयन्त गू॒र्तिभि᳚ः ॥
पदपाठः (Word-by-word)
तम् । वः॒ । स॒खा॒यः॒ । मदा᳚य । पु॒ना॒नम् । अ॒भि । गा॒य॒त॒ ।
शिशु᳚म् । न । य॒ज्ञैः । स्व॒द॒य॒न्त॒ । गू॒र्ति॑भिः᳚ ॥
शिशु᳚म् । न । य॒ज्ञैः । स्व॒द॒य॒न्त॒ । गू॒र्ति॑भिः᳚ ॥
सायणभाष्यम् (Sayana Commentary)
हे सखायः ऋत्विजोवोयूयं मदाय देवानां मदार्थं पुनानं पूयमानं तं अभिगायत अभिष्टुत तमिमं सोमं शिशुंन शिशुमिवालंकारैः क्षीरादिभिश्च यथा स्वादूकुर्वन्ति तद्वत् । यज्ञैर्हविर्भिर्मिश्रणैः गूर्तिभिः स्तुतिभिश्च स्वदयन्त स्वादूकुर्वन्ति ॥ १ ॥ प्रवर्ग्येभिष्टवे संवत्सइवमातृभिरित्येका । सूत्रंच—समीवत्समित्यनया सहोक्तम् ।