गोम᳚न्न इन्दो॒ अश्व᳚वत्सु॒तः सु᳚दक्ष धन्व ।
शुचिं᳚ ते॒ वर्ण॒मधि॒ गोषु᳚ दीधरम् ॥
शुचिं᳚ ते॒ वर्ण॒मधि॒ गोषु᳚ दीधरम् ॥
पदपाठः (Word-by-word)
गो॑म᳚त् । नः॒ । इ॒न्दो॒ इति᳚ । अश्व᳚॑वत् । सु॒तः । सु॒॑द॒क्ष॒ । ध॒न्व॒ ।
शुचि᳚म् । ते॒ । वर्ण᳚म् । अधि᳚ । गोषु᳚ । दी॒ध॒र॒म् ॥
शुचि᳚म् । ते॒ । वर्ण᳚म् । अधि᳚ । गोषु᳚ । दी॒ध॒र॒म् ॥
सायणभाष्यम् (Sayana Commentary)
हे सुदक्ष सुबल हे इन्दो सोम सुतोभिषुतस्त्वं नोस्माकं गोमत् यज्ञसाधनगोयुक्तं अश्ववदश्वयुक्तं धनं धन्व गमय धविर्गत्यर्थः भूवादिः । ततोहं शुचिं पूतं दीप्यमानंव ते तव वर्णं रसं गोषु गव्येषु क्षीरादिषु अधिदीधरं अधिधारयामि मिश्रयामि ॥ ४ ॥