क्रत्वा॒ दक्ष᳚स्य र॒थ्य᳚म॒पो वसा᳚न॒मन्ध᳚सा ।
गो॒षामण्वे᳚षु सश्चिम ॥
गो॒षामण्वे᳚षु सश्चिम ॥
पदपाठः (Word-by-word)
क्रत्वा᳚ । दक्ष᳚स्य । र॒थ्य᳚म् । अ॒पः । वसा᳚नम् । अन्ध᳚सा ।
गो॒॑साम् । अण्वे᳚षु । स॒श्चि॒म॒ ॥
गो॒॑साम् । अण्वे᳚षु । स॒श्चि॒म॒ ॥
सायणभाष्यम् (Sayana Commentary)
वयमभिषोतारः दक्षस्य बलस्य रथ्यं नेतारं अपउदकानि रसान् वसानं आच्छादयन्तं अंधसा श्रयणान्नेन सहितं गोषां गवां सोतारं एवमुक्तलक्षणं सोमं क्रत्वा कर्मणा अण्वेषु अंगुलीषु सश्चिम संयोजयामः ॥ २ ॥