यु॒वं हि स्थः स्व᳚र्पती॒ इन्द्र᳚श्च सोम॒ गोप᳚ती ।
ई॒शा॒ना पि᳚प्यतं॒ धियः᳚ ॥
ई॒शा॒ना पि᳚प्यतं॒ धियः᳚ ॥
पदपाठः (Word-by-word)
यु॒वम् । हि । स्थः । स्व᳚र्पती॒ इति॒ स्वः᳚॑पती । इन्द्रः᳚ । च॒ । सो॒म॒ । गोप᳚ती॒ इति॒ गो॑प᳚ती ।
ई॒शा॒ना । पि॒प्य॒त॒म् । धियः᳚ ॥
ई॒शा॒ना । पि॒प्य॒त॒म् । धियः᳚ ॥
सायणभाष्यम् (Sayana Commentary)
हे सोम त्वमिन्द्रश्च युवंहि युवांखलु स्वर्पती स्वर्गस्य स्वामिनौ स्थोभवथः । तथा गोपती गवांपालकौ ईशाना ईश्वरौ सन्तौ धियोस्मदीयानि कर्माणि पिप्यतं प्याययतं ॥ २ ॥