नि शत्रो᳚ः सोम॒ वृष्ण्यं॒ नि शुष्मं॒ नि वय᳚स्तिर ।
दू॒रे वा᳚ स॒तो अन्ति᳚ वा ॥
दू॒रे वा᳚ स॒तो अन्ति᳚ वा ॥
पदपाठः (Word-by-word)
नि । शत्रोः᳚ । सो॒म॒ । वृष्ण्य᳚म् । नि । शुष्म᳚म् । नि । वयः᳚ । ति॒र॒ ।
दू॒रे । वा॒ । स॒तः । अन्ति᳚ । वा॒ ॥
दू॒रे । वा॒ । स॒तः । अन्ति᳚ । वा॒ ॥
सायणभाष्यम् (Sayana Commentary)
हे अभिषूयमाणसोम त्वं शत्रोर्वृष्ण्यं वर्षकं बलं नितिर निपूर्वस्तिरतिर्नाशार्थः नाशय । तथा शत्रोः शुष्मं शोषकं तेजः नितिर तस्यैव वयोन्नंच नितिर कीदृशस्य शत्रोः दूरे वासतः अस्मत्तोदूरे वर्तमानस्य अन्तिवा सतः अन्तिके वर्तमानस्य वा ॥ ७ ॥
प्रकविरिति सप्तर्चं विंशं सूक्तं ऋष्याद्याः पूर्ववत् । प्रकविरित्यनुक्रान्तम् । गतोविनियोगः ।