कु॒विद्वृ᳚ष॒ण्यन्ती᳚भ्यः पुना॒नो गर्भ᳚मा॒दध᳚त् ।
याः शु॒क्रं दु᳚ह॒ते पयः᳚ ॥
याः शु॒क्रं दु᳚ह॒ते पयः᳚ ॥
पदपाठः (Word-by-word)
कु॒वित् । वृ॒ष॒ण्यन्ती᳚भ्यः । पु॒ना॒नः । गर्भ᳚म् । आ॒॑दध᳚त् ।
याः । शु॒क्रम् । दु॒ह॒ते । पयः᳚ ॥
याः । शु॒क्रम् । दु॒ह॒ते । पयः᳚ ॥
सायणभाष्यम् (Sayana Commentary)
वृषण्यन्तीभ्यः वृषणं सोममात्मनइच्छन्तीभ्यो वसतीवरीभ्यः पुनानः पूयमानो मिश्रयमाणो गर्भं स्वगर्भस्थानीयं रसं कुवित् बहुप्रभूतं आदधत् करोति । याः आपः सुक्रं दीप्तं पयो दुहते स्ववत्साय सोमाय ताभ्योगर्भमादधत् ॥ ५ ॥