दे॒वो दे॒वाय॒ धार॒येन्द्रा᳚य पवते सु॒तः ।
पयो॒ यद᳚स्य पी॒पय᳚त् ॥
पयो॒ यद᳚स्य पी॒पय᳚त् ॥
पदपाठः (Word-by-word)
दे॒वः । दे॒वाय᳚ । धार᳚या । इन्द्रा᳚य । प॒व॒ते॒ । सु॒तः ।
पयः᳚ । यत् । अ॒स्य॒ । पी॒पय᳚त् ॥
पयः᳚ । यत् । अ॒स्य॒ । पी॒पय᳚त् ॥
सायणभाष्यम् (Sayana Commentary)
देवाय द्योतमानायेन्द्राय सुतोभिषुतो देवोद्योतमानः सोमोधारया पवते । क्षरति यद्यस्मादस्यसोमस्य पयः पिपयत् इन्द्रमाप्यायितवत् तस्माद्धा- रया पवतइत्यर्थः ॥ ७ ॥