आ॒त्मा य॒ज्ञस्य॒ रंह्या᳚ सुष्वा॒णः प᳚वते सु॒तः ।
प्र॒त्नं नि पा᳚ति॒ काव्य᳚म् ॥
प्र॒त्नं नि पा᳚ति॒ काव्य᳚म् ॥
पदपाठः (Word-by-word)
आ॒त्मा । य॒ज्ञस्य᳚ । रंह्या᳚ । सु॒स्वा॒णः । प॒व॒ते॒ । सु॒तः ।
प्र॒त्नम् । नि । पा॒ति॒ । काव्य᳚म् ॥
प्र॒त्नम् । नि । पा॒ति॒ । काव्य᳚म् ॥
सायणभाष्यम् (Sayana Commentary)
यज्ञस्यात्मा आत्मभूतः सुतोभिषुतः सोमः सुष्वाणः यजमानेभ्यः कामान् प्रेरयन् रंह्या वेगेन पवते क्षरति प्रत्नं पुरातनं काव्यमात्मनः कवित्वं च निपाति अभिरक्षति ॥ ८ ॥