अ॒भि त्रि᳚पृ॒ष्ठं वृष᳚णं वयो॒धामा᳚ङ्गू॒षाणा᳚मवावशन्त॒ वाणी᳚ः ।
वना॒ वसा᳚नो॒ वरु᳚णो॒ न सिन्धू॒न्वि र᳚त्न॒धा द᳚यते॒ वार्या᳚णि ॥
वना॒ वसा᳚नो॒ वरु᳚णो॒ न सिन्धू॒न्वि र᳚त्न॒धा द᳚यते॒ वार्या᳚णि ॥
पदपाठः (Word-by-word)
अ॒भि । त्रि॒॑पृ॒ष्ठम् । वृष᳚णम् । व॒यः॒॑धाम् । आ॒ङ्गू॒षाणा᳚म् । अ॒वा॒व॒श॒न्त॒ । वाणीः᳚ ।
वना᳚ । वसा᳚नः । वरु᳚णः । न । सिन्धू᳚न् । वि । र॒त्न॒॑धाः । द॒य॒ते॒ । वार्या᳚णि ॥
वना᳚ । वसा᳚नः । वरु᳚णः । न । सिन्धू᳚न् । वि । र॒त्न॒॑धाः । द॒य॒ते॒ । वार्या᳚णि ॥
सायणभाष्यम् (Sayana Commentary)
त्रिपृष्ठं त्रीणिपृष्ठानि स्तोत्राणि द्रोणकलशादिस्थानानिवा सवनानि वा यस्यसतथोक्तः । तं वृषणं वर्षकं वयोधामन्नस्यदातारं सोमं आंगूषाणां आघोषवतां स्तोतॄणां वाणीर्वाचः अभ्यवावशन्त शब्दयन्ते । वना वनानि उदकानि वसानः आच्छादयन् वरुणोन वरुण- इव सिन्धूनाच्छादयति तद्वत् रत्नधाः रत्नानांदाता सोमोवार्याणि धनानि विदयते प्रय- च्छति स्तोतृभ्यः ॥ २ ॥