ए॒वा राजे᳚व॒ क्रतु᳚मा{4}॒ अमे᳚न॒ विश्वा॒ घनि᳚घ्नद्दुरि॒ता प᳚वस्व ।
इन्दो᳚ सू॒क्ताय॒ वच᳚से॒ वयो᳚ धा यू॒यं पा᳚त स्व॒स्तिभि॒ः सदा᳚ नः ॥
इन्दो᳚ सू॒क्ताय॒ वच᳚से॒ वयो᳚ धा यू॒यं पा᳚त स्व॒स्तिभि॒ः सदा᳚ नः ॥
पदपाठः (Word-by-word)
ए॒व । राजा᳚॑इव । क्रतु᳚॑मान् । अमे᳚न । विश्वा᳚ । घनि᳚घ्नत् । दुः॒॑इ॒ता । प॒व॒स्व॒ ।
इन्दो॒ इति᳚ । सु॒॑उ॒क्ताय᳚ । वच᳚से । वयः᳚ । धाः॒ । यू॒यम् । पा॒त॒ । स्व॒स्ति॑भिः᳚ । सदा᳚ । नः॒ ॥
इन्दो॒ इति᳚ । सु॒॑उ॒क्ताय᳚ । वच᳚से । वयः᳚ । धाः॒ । यू॒यम् । पा॒त॒ । स्व॒स्ति॑भिः᳚ । सदा᳚ । नः॒ ॥
सायणभाष्यम् (Sayana Commentary)
अनया स्तुतिमुपसंहरन् फलमाशास्ते । हेसोम एव एवं स्तुतइतिशेषः । क्रतुमांस्त्वं राजेव अमेन बलेन विश्वा सर्वाणिदुरिता दुरितानि घनिघ्नन् विनाशयन् पवस्व । हे इन्दो दीप्तसोम सूक्ताय शोभनमुदिताय वचसे अस्माकं स्तोत्राय तद्वचः विमृष्यार्थवदा- गत्य वयोधा अन्नंधेहि अन्नलाभस्य स्तितिनिमित्तकत्वात्तस्य स्तुतिवचसः प्राधान्येनोक्तिः शिष्टं सिद्धं ॥ ६ ॥
वेदार्थस्यप्रकाशेन तमोहार्दंनिवारयन् । पुमर्थांश्चतुरोदेयाद्विद्यातीर्थमहेश्वरः ॥ १ ॥
इतिश्रीमद्राजाधिराजपरमेश्वरवैदिकमार्गप्रवर्तकश्रीवीरबुक्कभूपालसाम्राज्यधुरंधरेण सा- यणाचार्येण विरचिते माधवीये वेदार्थप्रकाशे ऋक्संहिताभाष्ये सप्तमाष्टके तृतीयोध्यायः ॥ ३ ॥