वृषा॒ वृष्णे॒ रोरु᳚वदं॒शुर᳚स्मै॒ पव᳚मानो॒ रुश᳚दीर्ते॒ पयो॒ गोः ।
स॒हस्र॒मृक्वा᳚ प॒थिभि᳚र्वचो॒विद᳚ध्व॒स्मभि॒ः सूरो॒ अण्वं॒ वि या᳚ति ॥
स॒हस्र॒मृक्वा᳚ प॒थिभि᳚र्वचो॒विद᳚ध्व॒स्मभि॒ः सूरो॒ अण्वं॒ वि या᳚ति ॥
पदपाठः (Word-by-word)
वृषा᳚ । वृष्णे᳚ । रोरु᳚वत् । अं॒शुः । अ॒स्मै॒ । पव᳚मानः । रुश᳚त् । ई॒र्ते॒ । पयः᳚ । गोः ।
स॒हस्र᳚म् । ऋक्वा᳚ । प॒थि॑भिः᳚ । व॒चः॒॑वित् । अ॒ध्व॒स्म॑भिः᳚ । सूरः᳚ । अण्व᳚म् । वि । या॒ति॒ ॥
स॒हस्र᳚म् । ऋक्वा᳚ । प॒थि॑भिः᳚ । व॒चः॒॑वित् । अ॒ध्व॒स्म॑भिः᳚ । सूरः᳚ । अण्व᳚म् । वि । या॒ति॒ ॥
सायणभाष्यम् (Sayana Commentary)
वृषा कामानांवर्षकः वृषेवाचरन्वा रोरुवत् भृशंशब्दायमानः अंशुः सोमः पवमानः पूयमानः सन् अस्मै वृष्णै वर्षकायेन्द्राय तदर्थं रुशत् रोचतेरिदंरूपम् । आरोचमानं श्वेतं गोः पय आश्रयणद्रव्यं ईर्ते गच्छति ईरगतौ आदादिकः । किंच ऋक्वा छन्दसीवनिपाविति मत्वर्थीयोवनिप् स्तोत्रवान् अतएव वचोवित् स्तुतीनांज्ञाता सूरः सुवीर्यः सर्वेषामग्निष्टो- मादिकर्मप्रेरकः सोमः अध्वस्मभिः ध्वंसनवर्जितैः हिंसारहितैः सहस्रं पथिभिर्बहुभिर्मार्गैः अण्वं सूक्ष्मच्छिद्रं पवित्रं वियाति अतीत्य द्रोणकलशं गच्छति ॥ ३ ॥