तं घे᳚मि॒त्था न᳚म॒स्विन॒ उप᳚ स्व॒राज᳚मासते ।
अर्थं᳚ चिदस्य॒ सुधि᳚तं॒ यदेत᳚व आव॒र्तय᳚न्ति दा॒वने᳚ ॥
अर्थं᳚ चिदस्य॒ सुधि᳚तं॒ यदेत᳚व आव॒र्तय᳚न्ति दा॒वने᳚ ॥
पदपाठः (Word-by-word)
तम् । घ॒ । ई॒म् । इ॒त्था । न॒म॒स्विनः᳚ । उप᳚ । स्व॒॑राज᳚म् । आ॒स॒ते॒ ।
अर्थ᳚म् । चि॒त् । अ॒स्य॒ । सु॑धि᳚तम् । यत् । एत᳚वे । आ॒॑व॒र्तय᳚न्ति । दा॒वने᳚ ॥
अर्थ᳚म् । चि॒त् । अ॒स्य॒ । सु॑धि᳚तम् । यत् । एत᳚वे । आ॒॑व॒र्तय᳚न्ति । दा॒वने᳚ ॥
सायणभाष्यम् (Sayana Commentary)
तं घ तं खल्वीमेनमिन्द्रं इत्था इत्थमनेन प्रकारेण नमस्विनोन्नवन्तः स्तुतिमन्तोवाध्वर्य्वादयः स्वराजं स्वयं राजमानं वा उपासते सेवन्ते । तथा कृत्वाअर्थंचित् अरणीयं धनं सुधितं सुष्ठु स्थापितं अस्येन्द्रस्य संबन्धिनं प्राप्नुवन्तीतिशेषः । कदेत्याह-यद्यदा एतवे अस्येन्द्रस्य गमनाय स्वयं प्राप्तुंवा दावने हविर्दानायावर्तयन्ति स्तुतयः तदेत्यर्थः । अथवा अश्वावा आवर्तयन्ति तदेत्यर्थः ॥ १७ ॥