प्र यद्व᳚स्त्रि॒ष्टुभ॒मिषं॒ मरु᳚तो॒ विप्रो॒ अक्ष᳚रत् ।
वि पर्व᳚तेषु राजथ ॥
वि पर्व᳚तेषु राजथ ॥
पदपाठः (Word-by-word)
प्र । यत् । वः॒ । त्रि॒॑स्तुभ᳚म् । इष᳚म् । मरु᳚तः । विप्रः᳚ । अक्ष᳚रत् ।
वि । पर्व᳚तेषु । रा॒ज॒थ॒ ॥
वि । पर्व᳚तेषु । रा॒ज॒थ॒ ॥
सायणभाष्यम् (Sayana Commentary)
हे मरुतः मरुतो मितराविणोवा मितरोचिनोवा महद्रवन्तीतिवा एतत्संज्ञामाध्यमिकादेवगणाः पादादित्वात् अपादादाविति पर्युदासात् आष्टमिकनिघाताभावः षाष्ठिकमामन्त्रितद्युदात्तत्वम् वोयुष्मभ्यं विप्रोमेधावी स्तोता त्रिष्टुभं त्रिषु सवनेषु प्रशस्यां त्रिभिर्देवैः स्तुतां वा यद्वा त्रिष्टुप् छन्दसा संबद्धा माध्यन्दिनसवनिकीं इषं सोमलक्षणमन्नं यद्यदा प्राक्षरत् प्रासिञ्चत् अग्नौ प्राक्षिपत् । यद्वा त्रिष्ट्भं त्रिष्टुप् छन्दस्कं स्तोत्रं इषं सोमं चेति योज्यं तदानीं यूयं पर्वतेषु पर्ववत्सु शिलोच्चयेषु विराजथ तेन सोमेन लब्धबलाः सन्तोविशेषेण दीप्ताभवथ ॥ १ ॥