यु॒ष्मा{4} उ॒ नक्त᳚मू॒तये᳚ यु॒ष्मान्दिवा᳚ हवामहे ।
यु॒ष्मान्प्र᳚य॒त्य᳚ध्व॒रे ॥
यु॒ष्मान्प्र᳚य॒त्य᳚ध्व॒रे ॥
पदपाठः (Word-by-word)
यु॒ष्मान् । ऊं॒ इति᳚ । नक्त᳚म् । ऊ॒तये᳚ । यु॒ष्मान् । दिवा᳚ । ह॒वा॒म॒हे॒ ।
यु॒ष्मान् । प्र॒॑य॒ति । अ॒ध्व॒रे ॥
यु॒ष्मान् । प्र॒॑य॒ति । अ॒ध्व॒रे ॥
सायणभाष्यम् (Sayana Commentary)
हे मरुतो युष्मां उ युष्मानेव नक्तं रात्रौ ऊतये रक्षणार्थं हवामहे दिवा अह्निच युष्मानेवाह्वयामहे अध्वरे ध्वरोनास्त्यस्मिन्नित्यध्व- रोयागः नञ्सुभ्यामित्युत्तरपदान्तोदात्तत्वम् । यागे प्रयति प्रगच्छति प्रवर्तमाने सति रक्षणार्थं युष्मानेवाह्वयामहे ॥ ६ ॥