सु॒षोमे᳚ शर्य॒णाव᳚त्यार्जी॒के प॒स्त्या᳚वति ।
य॒युर्निच᳚क्रया॒ नरः᳚ ॥
य॒युर्निच᳚क्रया॒ नरः᳚ ॥
पदपाठः (Word-by-word)
सु॒॑सोमे᳚ । श॒र्य॒णा॑व᳚ति । आ॒र्जी॒के । प॒स्त्य᳚॑वति ।
य॒युः । नि॑च᳚क्रया । नरः᳚ ॥
य॒युः । नि॑च᳚क्रया । नरः᳚ ॥
सायणभाष्यम् (Sayana Commentary)
सुषोमे शोभनसोमयुक्ते आर्जीके ऋजीकानामदेशाः तत्संबन्धि शर्यणावति कुरुक्षेत्रस्य जघनार्धे शर्यणावत्संज्ञे सरसि पस्त्यमिति गृहनाम यज्ञगृहोपेते सोमपानाय नरोनेतारो मरुतः निचक्रया नीचीनचक्रया अवाङ्मुखं प्रवर्तमानया रथकट्यया ययुर्यान्ति गच्छन्ति यातेश्छां- दसोलिट् यद्वा नरोनेतारऋत्विजः उक्तगुणविशिष्टे शर्यणावति मरुद्यागाय सोममाहर्तुं निचक्रया नीचीनचक्रया शकट्या ययुर्गच्छन्ति ॥ २९ ॥