इ॒मां मे᳚ मरुतो॒ गिर᳚मि॒मं स्तोम᳚मृभुक्षणः ।
इ॒मं मे᳚ वनता॒ हव᳚म् ॥
इ॒मं मे᳚ वनता॒ हव᳚म् ॥
पदपाठः (Word-by-word)
इ॒माम् । मे॒ । म॒रु॒तः॒ । गिर᳚म् । इ॒मम् । स्तोम᳚म् । ऋ॒भु॒क्ष॒णः॒ ।
इ॒मम् । मे॒ । व॒न॒त॒ । हव᳚म् ॥
इ॒मम् । मे॒ । व॒न॒त॒ । हव᳚म् ॥
सायणभाष्यम् (Sayana Commentary)
हे मरुतः इमां पुरोवर्तिनीं मे मम गिरं शस्त्ररूपां वाचं वनत संभजत ऋभुक्षणः महन्नामैतत् महान्तः जसि इतोत्सर्वनामइत्यकारः वाष- पूर्वस्यनिगमइतिदीर्घाभावः । ते यूयं इमं स्तोमं स्तोत्रं प्रगीतमन्त्रसाध्यं मे मम इमं पुरोवर्तिनं हवमाह्वानरूपं च याजुषं मन्त्रं वनत संभजत सेवध्वम् ॥ ९ ॥