येना॒व तु॒र्वशं॒ यदुं॒ येन॒ कण्वं᳚ धन॒स्पृत᳚म् ।
रा॒ये सु तस्य᳚ धीमहि ॥
रा॒ये सु तस्य᳚ धीमहि ॥
पदपाठः (Word-by-word)
येन᳚ । आ॒व । तु॒र्वश᳚म् । यदु᳚म् । येन᳚ । कण्व᳚म् । ध॒न॒॑स्पृत᳚म् ।
रा॒ये । सु । तस्य᳚ । धी॒म॒हि॒ ॥
रा॒ये । सु । तस्य᳚ । धी॒म॒हि॒ ॥
सायणभाष्यम् (Sayana Commentary)
येनात्मीयेन रक्षणेन तुर्वशं एतत्संज्ञं यदुं एतत्संज्ञञ्च राजर्षिं आव यूयं रक्षितवन्तः स्थ अवतेर्लेटि मध्यमबहुवचनेरूपमेतत् । येनच धनस्पृतं धनकामं कण्वमृषिं रक्षितवन्तः स्थ । तस्य युष्मदीयं रक्षणं राये धनार्थं सुधीमहि शोभनं ध्यायेम ॥ १८ ॥