क॒दा ग᳚च्छाथ मरुत इ॒त्था विप्रं॒ हव᳚मानम् ।
मा॒र्डी॒केभि॒र्नाध᳚मानम् ॥
मा॒र्डी॒केभि॒र्नाध᳚मानम् ॥
पदपाठः (Word-by-word)
क॒दा । ग॒च्छा॒थ॒ । म॒रु॒तः॒ । इ॒त्था । विप्र᳚म् । हव᳚मानम् ।
मा॒र्डी॒केभिः᳚ । नाध᳚मानम् ॥
मा॒र्डी॒केभिः᳚ । नाध᳚मानम् ॥
सायणभाष्यम् (Sayana Commentary)
हे मरुतः इत्था इत्थमनेन प्रकारेण हवमानं आह्वयन्तं स्तुवन्तं नाधमानं याचमानं विप्रं मेधाविनं स्तोतारं मां कदा कस्मिन्काले मार्डीकेभिः सुखहेतुभिर्धनैः सार्धं गच्छाथ गच्छथ विलम्बं माकृषत शीघ्रमागच्छतेति भावः ॥ ३० ॥