आ नो᳚ र॒यिं म᳚द॒च्युतं᳚ पुरु॒क्षुं वि॒श्वधा᳚यसम् ।
इय᳚र्ता मरुतो दि॒वः ॥
इय᳚र्ता मरुतो दि॒वः ॥
पदपाठः (Word-by-word)
आ । नः॒ । र॒यिम् । म॒द॒॑च्युत᳚म् । पु॒रु॒॑क्षुम् । वि॒श्व॑धा᳚यसम् ।
इय᳚र्त । म॒रु॒तः॒ । दि॒वः ॥
इय᳚र्त । म॒रु॒तः॒ । दि॒वः ॥
सायणभाष्यम् (Sayana Commentary)
हे मरुतः नोस्माकं रयिं धनं दिवोद्युलोकात् आइयर्त आगमयत ऋगतावित्यस्मादन्तर्भावितण्यर्थाज्जौहोत्यादिकाल्लोटि तस्य तप्तनप्त- नथनेति तबादेशः अनुदात्तेचेत्यभ्यस्ताद्युदात्तत्वम् कीदृशं रयिं मदच्युतं मदंस्रवन्तं यद्वा शात्रवस्य मदस्य च्यावयितारं पुरुक्षुं बहुनिवासं बहुभिः स्तूयमानंवा विश्वधायसं विश्वेषां सर्वेषामस्मदीयानां धारणाय पोषणाय पर्याप्तम् ॥ १३ ॥