यद॒ङ्ग त᳚विषीयवो॒ यामं᳚ शुभ्रा॒ अचि᳚ध्वम् ।
नि पर्व᳚ता अहासत ॥
नि पर्व᳚ता अहासत ॥
पदपाठः (Word-by-word)
यत् । अ॒ङ्ग । त॒वि॒षी॒॑य॒वः॒ । याम᳚म् । शु॒भ्राः॒ । अचि᳚ध्वम् ।
नि । पर्व᳚ताः । अ॒हा॒स॒त॒ ॥
नि । पर्व᳚ताः । अ॒हा॒स॒त॒ ॥
सायणभाष्यम् (Sayana Commentary)
हे तविषीयवः तविषीति बलनाम तां कामयमानाः यद्वा बल् युक्ताः हेशुभ्राः शोभमानाः अंग हे मरुतः यामं याति गच्छतीति यामोरथः तं यद्यदा अचिध्वं समचिनुध्वं अश्वादिभिः साधनैः सञ्चितं संश्लिष्टं कुरुथ गमनार्थं तदानीं पर्वता गिरयोपि न्यहासत नितरांगच्छन्ति युष्मद्रथवेगाद्भीताः सन्तः स्वस्थानात् प्रचलन्ति । ओहाङ् गतौ छान्दसोलुङ् ॥ २ ॥