त्वामच्छा᳚ चरामसि॒ तदिदर्थं᳚ दि॒वेदि᳚वे ।
इन्दो॒ त्वे न᳚ आ॒शसः᳚ ॥
इन्दो॒ त्वे न᳚ आ॒शसः᳚ ॥
पदपाठः (Word-by-word)
त्वाम् । अच्छ᳚ । च॒रा॒म॒सि॒ । तत् । इत् । अर्थ᳚म् । दि॒वे॑दि᳚वे ।
इन्दो॒ इति᳚ । त्वे इति᳚ । नः॒ । आ॒॑शसः᳚ ॥
इन्दो॒ इति᳚ । त्वे इति᳚ । नः॒ । आ॒॑शसः᳚ ॥
सायणभाष्यम् (Sayana Commentary)
हे इन्दो यागेषु क्लिद्यमान सोम त्वामच्छ त्वां प्रति चरामसि वयं चरामः । दिवेदिवे प्रतिदिनं अस्माकं तदित् तदेव तत्परिचरणमेवार्थं कार्यं नान्यत्कारणमस्ति । नोस्माकं आशसः आशंसनान्यपि त्वे त्वय्येव । नान्यत्र ॥ ५ ॥