तमी॒मण्वी᳚ः सम॒र्य आ गृ॒भ्णन्ति॒ योष᳚णो॒ दश᳚ ।
स्वसा᳚र॒ः पार्ये᳚ दि॒वि ॥
स्वसा᳚र॒ः पार्ये᳚ दि॒वि ॥
पदपाठः (Word-by-word)
तम् । ई॒म् । अण्वीः᳚ । स॒॑म॒र्ये । आ । गृ॒भ्णन्ति᳚ । योष᳚णः । दश᳚ ।
स्वसा᳚रः । पार्ये᳚ । दि॒वि ॥
स्वसा᳚रः । पार्ये᳚ । दि॒वि ॥
सायणभाष्यम् (Sayana Commentary)
समर्ये समनुष्ये यज्ञे पार्ये दिवि सौत्येहनि योषणः स्त्रियः स्वसारः स्वयंसरन्त्यो दशसंख्याकाः अण्वीः अण्व्योंगुलयः । अग्रुवः अण्व्यइत्यंगुलिनाम- सुपाठात् । तमीं तमेनं सोमं आगृभ्णन्ति आगृह्णन्ति ॥ ७ ॥