तमीं᳚ हिन्वन्त्य॒ग्रुवो॒ धम᳚न्ति बाकु॒रं दृति᳚म् ।
त्रि॒धातु᳚ वार॒णं मधु᳚ ॥
त्रि॒धातु᳚ वार॒णं मधु᳚ ॥
पदपाठः (Word-by-word)
तम् । ई॒म् । हि॒न्व॒न्ति॒ । अ॒ग्रुवः᳚ । धम᳚न्ति । बा॒कु॒रम् । दृति᳚म् ।
त्रि॒॑धातु᳚ । वा॒र॒णम् । मधु᳚ ॥
त्रि॒॑धातु᳚ । वा॒र॒णम् । मधु᳚ ॥
सायणभाष्यम् (Sayana Commentary)
तमीं एनं सोमं अग्रुवोंगुलयोहिन्वन्ति अभिषवदेशं प्रति प्रेरयन्ति । प्रेरयित्वाच बाकुरं भासमानं दृतिं दृतिसदृशांशुमेनं सोमं धमन्ति अभिषु- ण्वन्तिच । युद्यपि धमतिरभिषवणकर्मा नभवति तथाप्यौचित्यादत्राभिषवपरोभविष्यति । तदेतत्सोमात्मकं मधु वस्तु त्रिधातु त्रिस्थानम् । द्रोणकलशः आधवनीयः पूतभृदिति त्रिधातवः । वारणं शत्रूणां वारकंच भवति ॥ ८ ॥