ए॒ष शृङ्गा᳚णि॒ दोधु᳚व॒च्छिशी᳚ते यू॒थ्यो॒३॒᳚ वृषा᳚ ।
नृ॒म्णा दधा᳚न॒ ओज᳚सा ॥
नृ॒म्णा दधा᳚न॒ ओज᳚सा ॥
पदपाठः (Word-by-word)
ए॒षः । शृङ्गा᳚णि । दोधु᳚वत् । शिशी᳚ते । यू॒थ्यः᳚ । वृषा᳚ ।
नृ॒म्णा । दधा᳚नः । ओज᳚सा ॥
नृ॒म्णा । दधा᳚नः । ओज᳚सा ॥
सायणभाष्यम् (Sayana Commentary)
एषसोमः शृंगाणि शृंगवदुन्नतान् अंशून् अभिषवकाले दोधुवत् धूनोति यूथ्यो यूथार्होयूथपति र्वृषा वृषभोयथा शिशीते तीक्ष्णे शृंगे धूनोति तद्वत् । कीदृशएषः ओजसा बलेन नृम्णा नृम्णानि धनानि दधानोस्मदर्थं धारयन् ॥ ४ ॥