ए॒तमु॒ त्यं दश॒ क्षिपो᳚ मृ॒जन्ति᳚ स॒प्त धी॒तयः᳚ ।
स्वा॒यु॒धं म॒दिन्त᳚मम् ॥
स्वा॒यु॒धं म॒दिन्त᳚मम् ॥
पदपाठः (Word-by-word)
ए॒तम् । ऊं॒ इति᳚ । त्यम् । दश᳚ । क्षिपः᳚ । मृ॒जन्ति᳚ । स॒प्त । धी॒तयः᳚ ।
सु॒॑आ॒यु॒धम् । म॒दिन्॑त᳚मम् ॥
सु॒॑आ॒यु॒धम् । म॒दिन्॑त᳚मम् ॥
सायणभाष्यम् (Sayana Commentary)
त्यं तं एतमु एतमेव सोमं दशक्षिपो दशांगुलयो मृजन्ति परिचरन्ति । सप्तधीतयः सप्तर्त्विजश्च ऋत्विजोगुलिभिर्मृजन्तीत्यर्थः । कीदृशमेतं स्वायुधं शोभनमायुधं मदिन्तमं मादयितृतमं रक्षोहननसामर्थ्यप्रदर्शनाय स्वायुधशब्दश्रवणम् ॥ ८ ॥
प्रतेसोतारइत्यष्टर्चं षोडशं सूक्तं ऋष्याद्याः पूर्ववत् । प्रतेइत्यनुक्रान्तम् । गतोविनियोगः ।