स ईं॒ रथो॒ न भु᳚रि॒षाळ᳚योजि म॒हः पु॒रूणि᳚ सा॒तये॒ वसू᳚नि ।
आदीं॒ विश्वा᳚ नहु॒ष्या᳚णि जा॒ता स्व᳚र्षाता॒ वन᳚ ऊ॒र्ध्वा न᳚वन्त ॥
आदीं॒ विश्वा᳚ नहु॒ष्या᳚णि जा॒ता स्व᳚र्षाता॒ वन᳚ ऊ॒र्ध्वा न᳚वन्त ॥
पदपाठः (Word-by-word)
सः । ई॒मिति᳚ । रथः᳚ । न । भु॒रि॒षाट् । अ॒यो॒जि॒ । म॒हः । पु॒रूणि᳚ । सा॒तये᳚ । वसू᳚नि ।
आत् । ई॒मिति᳚ । विश्वा᳚ । न॒हु॒ष्या᳚णि । जा॒ता । स्वः᳚॑साता । वने᳚ । ऊ॒र्ध्वा । न॒व॒न्त॒ ॥
आत् । ई॒मिति᳚ । विश्वा᳚ । न॒हु॒ष्या᳚णि । जा॒ता । स्वः᳚॑साता । वने᳚ । ऊ॒र्ध्वा । न॒व॒न्त॒ ॥
सायणभाष्यम् (Sayana Commentary)
सईं सोयं सोमः भुरिषाट् भूरिभारस्यसोढा रथोन रथइव भुरिषाट् प्रभूतस्य भारस्य सोढा अयोजि युज्यते । कीदृशः समहोमहान् किमर्थमयोजि पुरूणि बहूनि वसूनि धनानि सातयेस्मभ्यंदातुम् । आदींयोगानंतरं विश्वा विश्वानि सर्वाणि नहुष्याणि नहुषोमनुष्यास्ते- यां संबंधीनि जाता जातानि अस्मद्विरोधीनि ऊर्ध्वा उन्मुखानि वने वननीये स्वर्षाता स्वर्षातौ संग्रामनामैतत् स्वर्गलाभयुक्ते । संग्रामे नवंत गच्छन्तु । नवितिर्गतिकर्मा यद्वा सोमं संग्रामे युद्धार्थिनः संगच्छन्ति ॥ २ ॥