मधु᳚पृष्ठं घो॒रम॒यास॒मश्वं॒ रथे᳚ युञ्जन्त्युरुच॒क्र ऋ॒ष्वम् ।
स्वसा᳚र ईं जा॒मयो᳚ मर्जयन्ति॒ सना᳚भयो वा॒जिन᳚मूर्जयन्ति ॥
स्वसा᳚र ईं जा॒मयो᳚ मर्जयन्ति॒ सना᳚भयो वा॒जिन᳚मूर्जयन्ति ॥
पदपाठः (Word-by-word)
मधु᳚॑पृष्ठम् । घो॒रम् । अ॒यास᳚म् । अश्व᳚म् । रथे᳚ । यु॒ञ्ज॒न्ति॒ । उ॒रु॒॑च॒क्रे । ऋ॒ष्वम् ।
स्वसा᳚रः । ई॒म् । जा॒मयः᳚ । म॒र्ज॒य॒न्ति॒ । स॑ना᳚भयः । वा॒जिन᳚म् । ऊ॒र्ज॒य॒न्ति॒ ॥
स्वसा᳚रः । ई॒म् । जा॒मयः᳚ । म॒र्ज॒य॒न्ति॒ । स॑ना᳚भयः । वा॒जिन᳚म् । ऊ॒र्ज॒य॒न्ति॒ ॥
सायणभाष्यम् (Sayana Commentary)
मधुपृष्ठं मधुरपृष्ठभागं घोरंभयानकं अयासं गन्तारं ऋष्वं दर्शनीयं उक्तलक्षणमश्व- मश्वस्थानीयं व्याप्तं सोमं उरुचक्रे प्रभूतचक्रे रथे यथाश्वं युंजंति रथिकास्तद्वत् प्रभूतच- णेरथे रंहणस्यसाधने यज्ञाख्ये रथेयुंजंति योजयंत्यध्वर्य्वादयः । किंच ईमेनंसोमं स्वसारः स्वयंसारिण्यः परस्परं स्वसृभूतावा जामयोबन्धुभूता अंगुलयः एकहस्तनिष्पन्नत्वात् स्व- सृत्वंजामित्वं च एवंभूतामार्जयन्ति शोधयन्ति । तदेवाह सनाभयः समानबंधना वाजिनं बलवन्तं सोममूर्जयन्ति बलिनंकुर्वन्ति ॥ ४ ॥