इन्द्रा᳚य सोम॒ पात᳚वे वृत्र॒घ्ने परि᳚ षिच्यसे ।
नरे᳚ च॒ दक्षि᳚णावते दे॒वाय᳚ सदना॒सदे᳚ ॥
नरे᳚ च॒ दक्षि᳚णावते दे॒वाय᳚ सदना॒सदे᳚ ॥
पदपाठः (Word-by-word)
इन्द्रा᳚य । सो॒म॒ । पात᳚वे । वृ॒त्र॒॑घ्ने । परि᳚ । सि॒च्य॒से॒ ।
नरे᳚ । च॒ । दक्षि᳚णा॑वते । दे॒वाय᳚ । स॒द॒न॒॑सदे᳚ ॥
नरे᳚ । च॒ । दक्षि᳚णा॑वते । दे॒वाय᳚ । स॒द॒न॒॑सदे᳚ ॥
सायणभाष्यम् (Sayana Commentary)
हे सोम वृत्रघ्ने वृत्रस्यहंत्रे इन्द्राय षष्ट्यर्थेचतुर्थी इन्द्रस्य पातवे पानार्थं परिषिच्यसे परितः पात्रेषु सिच्यसे । वसतीवरीभिर्वा । किंच दक्षिणावते ऋत्विग्भ्योदक्षिणादानेन तद्वते देवाय देवार्थं हवींषिदातुं सदनसदे यज्ञगृहे सीदते नरे मनुष्याय यजमानाय तस्मै फलदा नार्थंपरिषिच्यसे ॥ १० ॥