ते प्र॒त्नासो॒ व्यु᳚ष्टिषु॒ सोमा᳚ः प॒वित्रे᳚ अक्षरन् ।
अ॒प॒प्रोथ᳚न्तः सनु॒तर्हु᳚र॒श्चितः᳚ प्रा॒तस्ता{4} अप्र᳚चेतसः ॥
अ॒प॒प्रोथ᳚न्तः सनु॒तर्हु᳚र॒श्चितः᳚ प्रा॒तस्ता{4} अप्र᳚चेतसः ॥
पदपाठः (Word-by-word)
ते । प्र॒त्नासः᳚ । वि॑उ᳚ष्टिषु । सोमाः᳚ । प॒वित्रे᳚ । अ॒क्ष॒र॒न् ।
अ॒प॒॑प्रोथ᳚न्तः । स॒नु॒तः । हु॒रः॒॑चितः᳚ । प्रा॒तरिति᳚ । तान् । अप्र᳚॑चेतसः ॥
अ॒प॒॑प्रोथ᳚न्तः । स॒नु॒तः । हु॒रः॒॑चितः᳚ । प्रा॒तरिति᳚ । तान् । अप्र᳚॑चेतसः ॥
सायणभाष्यम् (Sayana Commentary)
व्युष्टिषु उषसां व्युच्छनेषु प्रकाशनेषु प्रत्नासः प्रत्नाः ते सोमाः पवित्रे अक्षरन् क्षरन्ति । योसोमाः सनुतः अन्तर्हितान् अप्रचेतसः प्रज्ञारहितान् हुरश्चितः स्तेननामैतत् कौटिल्येन चिन्वन्तीति तान् मायाविनः स्तेनान् प्रातः प्रातःकालएव अपप्रोथन्तः अपप्रोथनं चाप- प्रेरणं अपप्रेरयन्तः शब्देननिराकुर्वन्तोभवन्ति तेक्षरन्तीतिसमन्वयः ॥ ११ ॥