अ॒भि वो᳚ वी॒रमन्ध᳚सो॒ मदे᳚षु गाय गि॒रा म॒हा विचे᳚तसम् ।
इन्द्रं॒ नाम॒ श्रुत्यं᳚ शा॒किनं॒ वचो॒ यथा᳚ ॥
इन्द्रं॒ नाम॒ श्रुत्यं᳚ शा॒किनं॒ वचो॒ यथा᳚ ॥
पदपाठः (Word-by-word)
अ॒भि । वः॒ । वी॒रम् । अन्ध᳚सः । मदे᳚षु । गा॒य॒ । गि॒रा । म॒हा । वि॑चे᳚तसम् ।
इन्द्र᳚म् । नाम᳚ । श्रुत्य᳚म् । शा॒किन᳚म् । वचः᳚ । यथा᳚ ॥
इन्द्र᳚म् । नाम᳚ । श्रुत्य᳚म् । शा॒किन᳚म् । वचः᳚ । यथा᳚ ॥
सायणभाष्यम् (Sayana Commentary)
हे उद्गात्रादयो वोयूयमित्यर्थः अथवा हे यजमानाः वोयुष्माकं हिताय अन्धसः सोमस्य मदेषु उत्पाद्यमानेषु सत्सु वीरं शत्रूणामीरयितारं नाम शत्रूणामीतारं नाम शत्रूणां नामकं विचेतसं विशिष्टप्रज्ञं श्रुत्यं सर्वत्रश्रोतव्यं शाकिनं शक्तं ईदृशमिन्द्रं महा महत्या गिरा स्तुत्या वचो वाग्युष्मदी- या यथा येनप्रकारेण प्रवर्तते गायत्र्यात्रिष्टुभावा तथा अभिगाय गायत स्तुतिं कुरुत ॥ १४ ॥