प्र॒भ॒ङ्गं दु᳚र्मती॒नामिन्द्र᳚ शवि॒ष्ठा भ᳚र ।
र॒यिम॒स्मभ्यं॒ युज्यं᳚ चोदयन्मते॒ ज्येष्ठं᳚ चोदयन्मते ॥
र॒यिम॒स्मभ्यं॒ युज्यं᳚ चोदयन्मते॒ ज्येष्ठं᳚ चोदयन्मते ॥
पदपाठः (Word-by-word)
प्र॒॑भ॒ङ्गम् । दुः॒॑म॒ती॒नाम् । इन्द्र᳚ । श॒वि॒ष्ठ॒ । आ । भ॒र॒ ।
र॒यिम् । अ॒स्मभ्य᳚म् । युज्य᳚म् । चो॒द॒य॒त्॑म॒ते॒ । ज्येष्ठ᳚म् । चो॒द॒य॒त्॑म॒ते॒ ॥
र॒यिम् । अ॒स्मभ्य᳚म् । युज्य᳚म् । चो॒द॒य॒त्॑म॒ते॒ । ज्येष्ठ᳚म् । चो॒द॒य॒त्॑म॒ते॒ ॥
सायणभाष्यम् (Sayana Commentary)
दुर्मतीनां दुष्टमनस्कानां वृत्रादीनां प्रभङ्ग प्रकर्षेण भञ्चकं त्वां याचामहइतिशेषः । हे इन्द्र शविष्ठातिशयेनबलवन् स्तुतस्त्वमस्मभ्यं रयिं धनं युज्यं योग्यमस्माकमुचितं धनमाभराहर । हे चोदयन्मते चोदयन्ती धनं प्रेरयन्तीमतिर्यस्य सतथोक्तः हे तादृशदेव किञ्च हे चोदयन्मते उक्तार्थ ज्येष्ठं धनमाभर ॥ १९ ॥