ये पा॒तय᳚न्ते॒ अज्म᳚भिर्गिरी॒णां स्नुभि᳚रेषाम् ।
य॒ज्ञं म᳚हि॒ष्वणी᳚नां सु॒म्नं तु᳚वि॒ष्वणी᳚नां॒ प्राध्व॒रे ॥
य॒ज्ञं म᳚हि॒ष्वणी᳚नां सु॒म्नं तु᳚वि॒ष्वणी᳚नां॒ प्राध्व॒रे ॥
पदपाठः (Word-by-word)
ये । पा॒तय᳚न्ते । अज्म᳚॑भिः । गि॒री॒णाम् । स्नु॑भिः᳚ । ए॒षा॒म् ।
य॒ज्ञम् । म॒हि॒॑स्वनी᳚नाम् । सु॒म्नम् । तु॒वि॒॑स्वनी᳚नाम् । प्र । अ॒ध्व॒रे ॥
य॒ज्ञम् । म॒हि॒॑स्वनी᳚नाम् । सु॒म्नम् । तु॒वि॒॑स्वनी᳚नाम् । प्र । अ॒ध्व॒रे ॥
सायणभाष्यम् (Sayana Commentary)
ये मरुतो गिरीणां मेघानां स्नुभिः प्रत्नवद्भिः अज्मभिः बलैर्बलकरैरुदकैः सह पातयन्ते पतन्ति गच्छन्ति । एषां मरुतां महिष्वणीनां प्रभूतध्वनीनां यज्ञं कुर्मइतिशेषः । कृत्वाच तुविष्वणीनां बहुध्वनीनां सुम्नं सुखं तैःकृतं अध्वरे यज्ञे प्र प्राप्नुयाम । अथवा चतुर्थ्यर्थेषष्ठी प्रभूतस्वने भ्यः सुम्नं उक्त- लक्षणं हविः प्र प्राप्नुयामाध्वरे यज्ञे ॥ १८ ॥