उ॒च॒थ्ये॒३॒᳚ वपु᳚षि॒ यः स्व॒राळु॒त वा᳚यो घृत॒स्नाः ।
अश्वे᳚षितं॒ रजे᳚षितं॒ शुने᳚षितं॒ प्राज्म॒ तदि॒दं नु तत् ॥
अश्वे᳚षितं॒ रजे᳚षितं॒ शुने᳚षितं॒ प्राज्म॒ तदि॒दं नु तत् ॥
पदपाठः (Word-by-word)
उ॒च॒थ्ये᳚ । वपु᳚षि । यः । स्व॒॑राट् । उ॒त । वा॒यो॒ इति᳚ । घृ॒त॒॑स्नाः ।
अश्व᳚॑इषितम् । रजः᳚॑इषितम् । शुना᳚॑इषितम् । प्र । अज्म᳚ । तत् । इ॒दम् । नु । तत् ॥
अश्व᳚॑इषितम् । रजः᳚॑इषितम् । शुना᳚॑इषितम् । प्र । अज्म᳚ । तत् । इ॒दम् । नु । तत् ॥
सायणभाष्यम् (Sayana Commentary)
उचथ्ये वक्तव्ये स्तुत्ये वपुषि शरीरे यःस्वराट् स्वयं राजते यद्वा उचथ्यो वपुश्चोभौराजानौ तयोरपि यः स्वराट् स्वाराज्यं करोति अतिशयेन वर्तते । उतापिच हे वायो यश्च घृतश्नाः घृतवच्छुद्धः सराजा अश्वेषितं अश्वैःप्रापितम् । रजेषितं रजःशब्देनोष्ट्रो गर्दभोवोच्यते । तेनाप्यानीतं शुनेषितंचा- ज्मान्नं प्रादात् तदन्नमश्वाद्यानीतं इदं पुरतो दृश्यते तत् तवैवानुग्रहादित्यर्थः । अथवैकस्तच्छब्दः पूरणः अश्वाद्यानीतं यदस्ति तदिदं खल्विति ॥ २८ ॥