ष॒ष्टिं स॒हस्राश्व्य᳚स्या॒युता᳚सन॒मुष्ट्रा᳚नां विंश॒तिं श॒ता ।
दश॒ श्यावी᳚नां श॒ता दश॒ त्र्य᳚रुषीणां॒ दश॒ गवां᳚ स॒हस्रा᳚ ॥
दश॒ श्यावी᳚नां श॒ता दश॒ त्र्य᳚रुषीणां॒ दश॒ गवां᳚ स॒हस्रा᳚ ॥
पदपाठः (Word-by-word)
ष॒ष्टिम् । स॒हस्रा᳚ । अश्व्य᳚स्य । अ॒युता᳚ । अ॒स॒न॒म् । उष्ट्रा᳚नाम् । विं॒श॒तिम् । श॒ता ।
दश᳚ । श्यावी᳚नाम् । श॒ता । दश᳚ । त्रि॑अ᳚रुषीणाम् । दश᳚ । गवा᳚म् । स॒हस्रा᳚ ॥
दश᳚ । श्यावी᳚नाम् । श॒ता । दश᳚ । त्रि॑अ᳚रुषीणाम् । दश᳚ । गवा᳚म् । स॒हस्रा᳚ ॥
सायणभाष्यम् (Sayana Commentary)
सवश आगत्यब्रूते अश्व्यस्याश्वसम्बन्धिनः षष्टिं सहस्रा सहस्राणि अयुता अयुतानि वासनमभजं उष्ट्राणां विंशातिं शता शतानि चासनं श्यावीनां श्याववर्णानां वडवानां दशशता शतानि चासनम् त्र्यरुषीणां त्रीण्यारोचमानानि शुभ्राणि ककुप् पृष्ठपार्श्वादिस्थानानि यासां तादृशीनां गवां दशसहस्रा दशसहस्राण्यभजम् ॥ २२ ॥