प्र सु᳚न्वा॒नस्यान्ध᳚सो॒ मर्तो॒ न वृ᳚त॒ तद्वचः᳚ ।
अप॒ श्वान᳚मरा॒धसं᳚ ह॒ता म॒खं न भृग᳚वः ॥
अप॒ श्वान᳚मरा॒धसं᳚ ह॒ता म॒खं न भृग᳚वः ॥
पदपाठः (Word-by-word)
प्र । सु॒न्वा॒नस्य᳚ । अन्ध᳚सः । मर्तः᳚ । न । वृ॒त॒ । तत् । वचः᳚ ।
अप᳚ । श्वान᳚म् । अ॒रा॒धस᳚म् । ह॒त । म॒खम् । न । भृग᳚वः ॥
अप᳚ । श्वान᳚म् । अ॒रा॒धस᳚म् । ह॒त । म॒खम् । न । भृग᳚वः ॥
सायणभाष्यम् (Sayana Commentary)
सुन्वानस्याभिषूयमाणस्य अन्धसोदनीयस्य सोमस्य तत्प्रसिद्धं वचः वचनं घोषं मर्तो- मारकः कर्मविघ्नकारी श्वा न प्रवृत नभजतां नश्रृणोत्विति यावत् । तथा हे स्तोतारः अराधसं राधककर्मरहितं तं श्वानं अपहत । तत्र दृष्टान्तः—मखं न यथा पुरा अपराद्ध- मखं एतन्नामानं भृगवोपहतवन्तः तथा अपहतेत्यर्थः ॥ १३ ॥