इन्दु॒रिन्द्रा᳚य पवत॒ इति᳚ दे॒वासो᳚ अब्रुवन् ।
वा॒चस्पति᳚र्मखस्यते॒ विश्व॒स्येशा᳚न॒ ओज᳚सा ॥
वा॒चस्पति᳚र्मखस्यते॒ विश्व॒स्येशा᳚न॒ ओज᳚सा ॥
पदपाठः (Word-by-word)
इन्दुः᳚ । इन्द्रा᳚य । प॒व॒ते॒ । इति᳚ । दे॒वासः᳚ । अ॒ब्रु॒व॒न् ।
वा॒चः । पतिः᳚ । म॒ख॒स्य॒ते॒ । विश्व᳚स्य । ईशा᳚नः । ओज᳚सा ॥
वा॒चः । पतिः᳚ । म॒ख॒स्य॒ते॒ । विश्व᳚स्य । ईशा᳚नः । ओज᳚सा ॥
सायणभाष्यम् (Sayana Commentary)
इन्दुः सोमः इन्द्राय इन्द्रार्थं पवते कलशे क्षरति इति देवासः स्तुतिकारिणः स्तोता- रोब्रुवन् वदन्ति । यदा स्तोतार एवंवदन्ति तदानीं वाचः स्तुतेः पतिः पालयिता यद्वा शब्दस्य स्वामी अत्यन्तं शब्दायमानइत्यर्थः । तादृशः सोमः मखस्यते स्तुतिभिः पूजा- मिच्छति लालसायां सुगागमः । कीदृशः ओजसा बलेन विश्वस्य सर्वस्येशानः प्रभुः ॥ ५ ॥